Logo Région Androy
MG 🇲🇬 FR 🇫🇷 EN 🇬🇧
MINISTRY OF THE INTERIOR AND DECENTRALIZATION
ANDROY REGION
Collecte PRD PRD NEXUS HDP APP Kmail
Main Menu
Actualité Régionale

FITSIDIHANA SY FANARAHA-MASO NY ASAN’NY ZANDARIMARIA ETO ANDROY

29/10/2026 13 lectures Lecture : ~3 min Faritra Androy
FITSIDIHANA SY FANARAHA-MASO NY ASAN’NY ZANDARIMARIA ETO ANDROY
AMBOVOMBE ANDROY | 29 OKTOBRA 2026
FANAMAFISANA NY FANDRIAMPAHALEMANA SY NY FIAROVANA NY VAHOAKA

Taorian’ny fitsidihana natao tany amin’ny Faritra Anôsy, dia tonga eto Ambovombe Androy ny delegasiona notarihin’Andriamatoa Jeneraly BAMA MARIMA, Minisitra Delege misahana ny Zandarimaria (MDG), sy Andriamatoa Jeneraly MAMELISON Mbina Nonos, Komandin’ny Zandarimariam-pirenena (COMGN), ny 29 Oktobra 2026.

Nandray azy ireo ireo tompon’andraikim-panjakana isan-tsokajiny eto an-toerana, notarihin’ny Sekretera Jeneralin’ny Faritra, nisolo tena an’Andriamatoa Lehiben’ny Faritra Androy, Dr Djiby FIRAVOA, niaraka tamin’ny Ben’ny Tanànan’Ambovombe Androy sy ny solontenan’ny Préfet,...

Nisy ny fihaonana sy fifanakalozan-kevitra niarahana tamin’ireo tompon’andraikitra sy ny OMC, narahina fitsidihana ny toerana hananganana ny zana-tobin’ny Zandarimaria ao amin’ny Fokontany #SEVOHIPOTY, Kaominina Ambonivohitra Ambovombe Androy.

Tanjona amin’izany ny hanakaikezana kokoa ny vahoaka, hanatsarana ny fandraisana andraikitra ary hanamafisana ny fandriampahalemana maharitra.

Nitohy tao amin’ny Vondron-tobim-paritry ny Zandarimaria Androy ny fihaonana tamin’ireo zandary miasa eto amin’ny faritra. Nohamafisina nandritra izany ny toromarika momba ny fanatsarana ny asa, ny fanajana ny lalàna sy ny fitsipim-pitondrantena, ary ny fiarovana ny vahoaka sy ny fananany.

Anisan’ny nisongadina tamin’ity fitsidihana ity ny fihaonana tamin’ireo tanora dahalo niova fo, izay naneho ny fahavononany hiala amin’ny asa ratsy sy hiara-hiasa amin’ireo mpitandro filaminana amin’ny famerenana ny fandriampahalemana eto amin’ny Faritra Androy sy Anôsy.

Ho fanohanana azy ireo amin’ny fiverenana amin’ny fiainana ara-dalàna, dia nanolotra fanampiana ara-tsakafo avy amin’ny Fitondram-panjakana Fanavaozana ny delegasiona, tamin’ny alalan’ny MDG. Nahitana vary 20 lasaka sy tsaramaso 4 lasaka izany, izay natokana ho an’ireo avy amin’ny Faritra Androy sy Anôsy.

Ity fitsidihana ity dia nifantoka tamin’ny fanamafisana ny asan’ny Zandarimaria, ny fanatsarana ny fiaraha-miasa amin’ireo tompon’andraikitra isan-tsokajiny ary ny fampiroboroboana ny fandriampahalemana sy ny fiarovana ny vahoaka manerana ny faritra.
Mankasitraka sy maneho fisaorana hatrany ny Fitondram-panjakana Fanavaozana, tarihin’Andriamatoa Filohan’ny Fanavaozana Repoblikan’i Madagasikara, Kôlônely #Michaël_RANDRIANIRINA, noho ireo ezaka sy fanohanana ho fanamafisana ny fandriampahalemana, ny filaminana ary ny fiarovana ny vahoaka.

Miaraka ho amin’ny fandriampahalemana sy ny fampandrosoana an’i Madagasikara, indrindra eto Androy sy Anôsy.

Galerie Photo de l'Événement

47 photos

Cliquez sur une photo pour l'afficher en grand écran.

Photo 1
Photo 2
Photo 3
Photo 4
Photo 5
Photo 6
Photo 7
Photo 8
Photo 9
Photo 10
Photo 11
Photo 12
Photo 13
Photo 14
Photo 15
Photo 16
Photo 17
Photo 18
Photo 19
Photo 20
Photo 21
Photo 22
Photo 23
Photo 24
Photo 25
Photo 26
Photo 27
Photo 28
Photo 29
Photo 30
Photo 31
Photo 32
Photo 33
Photo 34
Photo 35
Photo 36
Photo 37
Photo 38
Photo 39
Photo 40
Photo 41
Photo 42
Photo 43
Photo 44
Photo 45
Photo 46
Photo 47

Commentaires & Réactions

Aucun commentaire pour l'instant. Soyez le premier à réagir !
Laisser un commentaire public
À lire aussi
1–5 / 122
Espaces Régionaux
Monographie des 5 Districts Mot officiel du Chef de Région Plan de Développement (PRD) Cartographie des Partenaires