20 Janoary 2026 - FAMETRAHANA VATO FOTOTRA hanaovana-Fambolen-kazo maharitra

Ho fanatanterahana ny politikam-panjakana: " fanamaintsoana an'ny Madagasikara "sy famaliana ny filan'ny Faritra Androy handrakotra tontolo Maintso sy velon-drano i Androy dia ,
napetraka ny vato fototra fanorenana Ilay " Pepinière permanant" na fambolen-kazo maharitra ho an'Androy ao Berary Kaominina Ambovombe Androy.

Izao no tanteraka dia nohon'ny fiaraha-miasa amin'ny TETIK'ASA MIONJO izay vatsian'ny Banky Iraisam-pirenena vola , ny Fitaleovam-paritra ny Tontolo iainana sy Fampandrosoana Lovain-jafy Androy ary ny CRS Madagasikara.

Nitarika Izany ny Lehiben'ny Faritra Androy Dr RAHARIJAONA Djiby Jean Berthinot, ny mpandrindram-paritra ny tetik'asa MINJO eto Androy , Ny Talem-paritra Tontolo iainana sy Fampandrosoana Lovain-jafy ary ny avy amin'ny Kaominina Ambovombe sy Fokontany Berary.

Hisy ny fametrahana rano hanondrahana ny zanan-kazo sy ho an'ny vahoaka manodidina eo.

Tanjona ny hamokarana zanan-kazo 150000 isan-taona farafahakeliny hamatsiana an'ny Androy hiadiana amin'ny tiomena sy ny fikaohan'ny tany ary aro rivotra fa indrindra hampitombo ny rotsakorana.