IMANOMBO 08 Aprily 2026-Diabe hoan'ny fandriampahalemana Androy Anosy

Notohizana tao IMANOMBO Distrika Antanimora Atsimo ny fifandresendahatra ary fanentanana ny hiverenanan'ireo tanora sy raim-pianakaviana dahalo.

Noraisina koa ireo Niovafo tao IMANOMBO.
Samy nijoro vavolombelona izy ireo fa nanao ilay asa ratsy saingy tapakevitra fa hiova hijanona olontsotra eny anivon'ny fiarahamonina sy handresy lahatra ireo namany hiverina.
Mila tohana anefa izy ireo ho entiny mandresy lahatra ireo namany hafa mbola tsy tapakevitra sy misalasala.

Nanome toky ny fanjakana tonga tao ireo niova fo fa tsy hanao intsony ary hanampy ny fisamborana ireo mpanolotra .

-Ny solontenam-panjakana nitarika ny Delegasiona ny Lehiben'ny Faritra Androy Dr RAHARIJAONA Djiby Jean Berthinot, dit Djiby FIRAVOA notronin'ny : - Lefitry Faharoa ny Komandin'ny Zandarimariam-pirenena, Ny Tale Jeneraly ny Fitantanana ny Lafitany, ny Komandin'ny Faripiadidian'ny Zandarimaria Toliara, Ny Lehiben'ny Fileovana Androy sy Anosy, Komandin'ny vondrotobim-pileovana Androy sy Anosy , ny solontenan'ny Lehiben'ny Faritra Anosy, ireo manam-boninahitra avy amin'ny zandarimaria Androy sy Anosy, ireo Talem-paritra ary ireo Ben'ny Tanàna manodidina.

Ho jeren'ny Fanjakana manokana ny fandraisana an-tanana azy ireo toy ny masomboly sy moto hiaraha-miasa amin'ny mpitandro filaminana tsisy tahotra mba hahafahany mamboly sy miverina amin'ny fiarahamonina.
Zava-dehibe ny hetsika toy izao hahatonga saina sy hampisy fifampitokisana ny vahoaka sy ny mpitondra.

Isaorana ny Filohan'ny FANAVAOZANA ny Repoblikan'ny Madagasikara Kolonely RANDRIANIRINA Michaël tompon'ny fanapahan-kevitra ho famerenana azy ireo izao sy hananan'ny vahoaka filaminana.
Haravona ao amin'ny renivohi-paritra Androy ny vahaolana maharitra momba ny tsifandriam-pahalemana .